الكسكسي بالحوت الليبي بالصور

[ندعوك للتسجيل في المنتدى أو التعريف بنفسك لمعاينة هذه الصورة]
الكسكسي بالحوت الليبي بالصور
[ندعوك للتسجيل في المنتدى أو التعريف بنفسك لمعاينة هذه الصورة]
المقادير :
لكيلو كسكسي يعني ل8 أشخاص مثلا
1 كيلو كسكسي يابس متع الحوش "شغل البيت" أو الجاهز ما يفرقش /راس ثوم مقشر / سمكه متوسطه منظفه و مقطعه جرار "حلقات" / ليمه "ليمونه" / م ص فلفل أسود / 1 م ك كمون حوت "سمك" /1 م ك ملح / 3 م ك طماطم حكه"معجون طماطم جاهز" /نص م ص بزار "كركم" / ثلث ك زيت نباتي أو زيتون / اميه "ماء" ممكن لترين مبدئيا وبعدين يتبخر مع الطبخ / م ص بهارات / نص م ص قرنفل مطحون "مسمار" /م ك فلفل أحمر حار "نقلل الكميه للي مايحبش الحار" ..
[ندعوك للتسجيل في المنتدى أو التعريف بنفسك لمعاينة هذه الصورة]

بطاطا , وبدنجال"بدنجان" , وقرعه كوسه , وفلفل :: نقلوهم للزينه ومقبلات مع الكسكسي

[ندعوك للتسجيل في المنتدى أو التعريف بنفسك لمعاينة هذه الصورة]

الطريقه :
نغسل الكسكسي لو كان بيتي ونصفيه كويس ونجففه بوضعه في صونيه "طبق" كبيره .

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ناخد طنجره ونحط فيها الزيت ونحط فيها نص كمية الثوم المهروس ونحرك لحد ما تصفر الثومه "في الصوره شويه طابت الثومه مننا زياده" وبعدها على طول نحط الطماطم ونشكشكه "نخليه يتسبك" بعد شويه نحط عليه الملح والفلفل الأحمر والبزار ونص كمية" الفلفل الأسود ، القرنفل ".. وبعد التحريك نصب الميه وخليها على النار تغلي .
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ناخد باقي كمية الثومه المهروسه ونحطها على الحوت مع الكمون وعصير ليمه صغيره ونحركه ونخليه يتبل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تغلي الطبيخه كويس وتبدأ تتختر يعني مش هلبا نخفف عليها النار ونلاحظ إنه الزيت بدي يطفح فوق نصفيه بملعقه كبيره ونحبب بيه الكسكسي اللي جف

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وبعد ما نحبب الكسكسي نحطوه في الكسكاس متع نفس الطنجره ونرجعهم على النار لحد ما يبوخ الكسكسي وما يحتاجش بعد ما يبدأ يطلع منه البخار لأكثر من ربع ساعه ويطيب
وبعد ما يبدا البخار يطلع من الكسكسي نقيم الكسكاس ونشوف المرقه نلقاها خاتره "متسبكه" نحط فيها قطع الحوت ونرجع الكسكاس ونخليهم شويه لحد ما يطيب الحوت وما ياخدش وقت دقايق بس ..

[ندعوك للتسجيل في المنتدى أو التعريف بنفسك لمعاينة هذه الصورة]

يعني تمر الربع ساعه ونطفي النار ونحط الكسكسي في صونيه واسعه شويه ونحط عليه شويه كمون حوت وباقي القرنفل وشوييية ماء زهر و"هادي حسب الرغبه" ونصب عليه كميه من المرقه وهو سخون ونحرك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
نزيد عليه من المرقه ونحرك لكن مش لدرجة يتبلل هلبا لا بس ياخد نكهة الحوت
نحطه في صحن التقديم ونسقيه بالمرقه ونزينه بقطع الحوت والمقليات وشرائح الليم والفلفل المقلي
وهدا شكله النهائي والطعم خيالي اممممم

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وصحتين وعافيه علي قلوبكم
[ندعوك للتسجيل في المنتدى أو التعريف بنفسك لمعاينة هذه الصورة]

» جلي قوس قزح....... بالصور
» طريقة عمل ورق عنب بالصور
» شرح كامل WinRA 4 بالصور